Врз основа на член 30, 48 и 49 од Законот за административни службеници (,,Службен весник на Република Северна Македонија  број  27/14,199/14 и 48/15, 154/15, 05/16, 142/16, 11/18), член 2 од Правилникот за формата и содржината на интерниот оглас, начинот  на поднесување на пријавата за унапредување, начинот на спроведување на административната селекција и интервјуто, како  и  начинот  на нивно бодирање и максималниот број на бодови од постапката на селекција, во зависност од категоријата за работното место за кое е објавен интерниот оглас (,,Службен весник на Р.М. бр.11/15 и 35/18), а по добиена согласност од Министерството за финансии за обезбедени финансиски средства ЈУ Меѓуопштински центар за социјална работа Куманово, објавува

ИНТЕРЕН  ОГЛАС

за пополнување на работно место со унапредување на (1) еден административен службеник

ЈУ Меѓуопштински центар за социјална работа Куманово објавува интерен оглас  за унапредување на еден (1) административен службеник на следната  позиција:

СОЗ0102В01002 – Одговорен сметководител, Оддел  за административни и помошно-технички работи – Дел за административни работи и управување со човечки ресурси .

Општите услови:

• да е државјанин на Република  Северна  Македонија;
• активно да го користи македонскиот јазик;
• да е полнолетен;
• да има општа здравствена способност за работното место;
• со правосилна судска пресуда да не му е изречена казна забрана на вршење професија, дејност или должност

Посебни услови:

• За нивото В1 ниво на квалификациите VI А според Македонската рамка на квалификации и стекнати најмалку 240 кредити според ЕКТС или завршен VII/1 степен
• работно искуство за нивото В1 најмалку три години работно искуство во струката
• Активно познавање на компјутерски програми за канцелариско работење;
• Активно познавање на еден од трите најчесто користени јазици на Европската унија (англиски, француски или германски).

Потребни општи компетенции на средно ниво се:

• Учење и развој;
• Комуникација;
• Остварување резултати;
• Работење со други / тимска работа;
• Ориентираност кон странките / засегнати страни; и
• Финансиско управување.

Распоред на работно време: работни часови во неделата- 40, работно време од понеделник до петок со почеток на работното време помеѓу  7:30 и 8 :30 часот и завршеток на истото помеѓу 15 :30 и  16:30 часот.

Паричниот износ на основната нетоплата изнесува 26.253,00 денари.

 На интериот оглас може да се јави административен службеник, вработен во ЈУ Меѓуопштински центар за социјална работа Куманово, кој ги исполнува општите и посебните услови за пополнување на работното место пропишани за соодветното ниво во овој закон и во актот за систематизација, како и :

– да е оценет со оцена”A” или “Б” при последното оценување,

– да е на работно место на непосредно пониско ниво или да е на работно место во рамки на истата категорија во која е работното место за кое е објавен интерниот оглас,

 – да поминал најмалку две години на тековното работно место и

– да не му е изречена дисциплинска мерка во последната година пред објавувањето на интерниот оглас.

Кон пријавата кандидатите можат да ги приложат следниве докази во скенирана форма:

 – потврди за успешно реализирани обуки и/или

– потврди за успешно реализирано менторство (како ментор или менториран административен службеник).

Во пријавата кандидатите се должни под материјална и кривична одговорност да потврдат дека податоците во пријавата се точни а доставените докази верни на оригиналот. Кандидатот кој внел лажни податоци во пријавата се дисквалификува од понатамошната постапка по овој оглас.

Право на учество имаат сите административни службеници вработени во ЈУ Меѓуопштински центар за социјална работа Куманово, кои ги исполнуваат условите за конкурирање.

Рокот за пријавување  на огласот (пријавата со доказите ) е пет (5) дена, од денот на објавување на огласот на веб страната на Агенцијата за администрација и веб страната на ЈУ Меѓуoпштински центар за социјална работа Куманово.

Пријавата за огласот може да се подигне од архиватa на ЈУ Меѓуопштински центар за социјална работа Куманово или да се симне од веб страницата на ЈУ Меѓуопштински центар за социјална работа Куманово- www.jumcsrkumanovo.com.mk.

Пополнетата пријава и доказите за податоците содржани во пријавата кандидатите треба да ја поднесат во писмена форма преку архивата на  ЈУ Меѓуопштински центар за социјална работа Куманово до лицето кое ги врши работите на организационата единица за управување со човечки ресурси како и службената електронска адреса – www.jumcsrkumanovo.com.mk

Каднидатите со уредна документација кои ги исполнуваат потребните услови ќе бидат повикани на интервју во ЈУ Меѓуопштински центар за социјална работа Куманово.

Постапката ќе ја спроведе Комисија за селекција за унапредување формирана од страна на Директорот на ЈУ Меѓуопштински центар за социјална работа Куманово.

Овој интерен оглас се објавува истовремено на веб страницата на ЈУ Меѓуопштински центар за социјална работа Куманово и на веб страницата на Агенција за администрација.

Условите наведени во огласот кандидатите треба да ги исполнуваат во моментот на пријавување.

Ненавремените пријави и документација нема да се разгледуваат. По истекот на рокот за пријавување огласот ќе биде отстранет од веб страницата на ЈУ Меѓуопштински центар за социјална работа Куманово.

Директор
Александра Арсовска